《糖果美人 Chilatherina alleni》
除左某幾種被大量繁殖嘅彩虹魚, eg石美人, 蘋果美人
其他品種係香港一直都屬於非主流魚種
糖果美人產自西巴布亞,身體以藍綠色為主調, 背部帶紫而各鰭皆為紅色, 體色非常鮮艷
成熟後,腹部的鋸齒狀紋路變得明顯，魚背會長滿閃鱗, 體型變寬,色彩亦會更為濃郁,偏紅
2020年10月15日 星期四
長鰭玻璃魚
《長鰭玻璃魚/Gymnochanda filamentosa》
在馬來西亞, 蘇門塔臘, 以及西加里曼丹皆有分佈
對比其他家族成員(如: G.ploegi)本種為其中一種於水族市場上常見的玻璃魚
長鰭玻璃魚具有明顯的性二態和性二色, 公魚於背鰭及臀鰭會有極長的鰭條延伸, 狀態良好時頭部和咀部會帶橙紅, 母魚則沒有以上特徵。
飼養方面無可避免地要生餌,亦不適合與活躍以及比牠大的魚隻混養
在資料搜集時發現有另一種長鰭玻璃魚(G.flamea), 按Aqua Glaser的文字描述, G.flamea棲息於婆羅洲南部,和G.filamentosa的分別在於臀部鰭條, 紅色的為G.flamea,藍色的則為G.filamentosa
可是Aqua glaser以G.flamea為題,配圖的魚卻是藍色鰭條,令人摸不着頭腦。希望未來能有機會得到實魚作比較。
Dicrossus gladicauda 劍尾棋盤
Dicrossus gladicauda 劍尾棋盤
目前市面上可見嘅D屬棋盤主要有4種
Dicrossus filamentosus: 棋盤短鯛
Dicrossus maculatus: 皇冠棋盤
Dicrossus foirni: 尼格羅雪花棋盤
Dicrossus warzeli塔巴赫斯雪花棋盤
然而, 其實Dicrossus棋盤家族重有
第五位成員--Dicrossus gladicauda 劍尾棋盤。
而佢其實於2008年已被發表, 模式產地於哥倫比亞阿塔巴波河下游, 但市場關注度極低, 自發表後幾乎無任何相關討論, 甚至一直都無跡象係水族市場出現。
出乎意料地, 佢嘅出現完全唔係以平地一聲雷嘅方式登場, 只係默默地混雜於燕尾棋盤入面進口, 而香港水族玩家對佢嘅關注亦都係近乎零。
甚至出現「佢唔係斷左支劍咩」嘅論調。
的確, 劍尾棋盤同燕尾棋盤嘅樣係如出一轍,
上鰭有明顯拉鰭而下尾鰭圓滑/微尖則為劍尾棋盤;
雙鰭都有明顯拉鰭則為燕尾棋盤。
所以幼魚應該分唔到。。。
連唯一一篇有同燕尾棋盤比較嘅論文都話除左尾型, 只可以靠尾鰭同腹側嘅反光位, 雖然我睇唔出。
但有機會見到不妨試玩, 當集郵又好咩都好。或者你會發現棋盤嘅另一種美態。
魔幻紅鱗發色之我見
《魔幻紅鱗發色之我見》
因應最近有新批次的魔幻紅鱗進口, 有關問題大增
因此我在此作出回答及分享, 希望能為各位解惑。
魔幻紅鱗我只養過兩次,
一次是現在,另一次是在魔幻紅鱗第一次進口的時候
但發色情況大有不同, 有興趣購買的玩家可先看看再決定是否入手。覺得太多文字可以直接到重點
第一次經驗是在2019年頭, 當時看見剛進口的魚隻發色凶猛(非常紅), 二話不說買了2公1母。當時2公皆有發色, 但體型相差頗遠。回家後整個心花怒放期待發色後拍幾張美照。可是時間漸漸過去, 用盡所有方法,2隻公皆沒有發色跡象。最後不記得是賣了還是死了，反正就不再存在於我缸中。
然後是第二次,就是現在。又看到了剛進口的個體,一時大意忘記了去年的經驗,手一滑就買了兩隻公魚。這次買的兩隻體型相近。然而時間過了兩天, 紅色如上次一般消失得無影無蹤。正當我大受打擊之際, 缸中飄過一抹暗紅, 定睛一看自然是兩隻公魚不停互相追逐。目前已保持每天有發紅的情況
————————————————————————
《重點》
1. 以三隻為一組起會比較容易出現發色, 但必須挑選體型接近的個體, 否則只會互相不理睬或體型較大者瘋狂追打體型較小者。然而兩種情況都不會發色。
2. 假若在魚店缸中也沒有發色, 但很想挑戰, 購買身上滿佈紅點的個體。因為這種魚即使沒發色, 能發紅的個體身上都會帶極微細的紅點(見圖2&3)。
但請注意, 有些個體可能永不發色, 所以看見有已發色的就買已發色的, 不要跟銀包君過不去。
3. 魔幻紅鱗體色轉換極快, 幾分鐘內已經足夠改頭換面。(圖3到圖4只花了1分鐘。。。)
4.體型並不是發色條件, 像圖2就是同批中最小的個體。但係其實不論大小都可以發色。當時購買較細小個體時就是在兩隻細小個體互相展示的情況, 發色不比大個體差。
5. 缸中最好沒有比他強勢的魚, 不然被壓制後發色極難。
魚糧小分析
《魚糧小分析》
市面上咁多種魚糧
到底揀邊種好？
相信依個問題不論新手老手都有問過
希望係到用我個人經驗係玩家角度做個小分析幫大家揀一隻適合嘅魚糧
ps:唔好期待我用營養學角度分析，因為我都唔識
我只會用搶口程度同魚隻食後表現作分析
生口類:
生活口類絕對係令人又愛又恨嘅糧
雖然佢地比較接近魚類原生食物
亦都較搶口
但係一旦處理不當，或者買到品質唔好嘅產品
就會得不償失，令魚類產生疾病。
紅蟲
最廣泛應用的生口糧之一，不論魚隻大小都適合食用，蛋白質豐富，谷魚佳品。唯在餵食是必須留意紅蟲的尺寸是否適合魚隻口徑，以避免出現吞食困難。同時最好避免每日餵食(七彩埃仔等魚種除外)以免因過量餵食導致腹水。雖然市面上產品眾多，但亦必須選購較有保證的產品，以避免因食物來源不潔而引起疾病。如：腹水，內寄生蟲等。個人推薦海鷗牌紅蟲，一方面粗幼度適中，適合各種魚隻；一方面冰塊較少血水，可直接餵食。
豐年蝦幼體(bbs)
相信飼養小型魚或者有繁殖過嘅魚友都非常熟悉，由於會不停游動，可以引起魚隻食慾，非常適合初生魚苗或新買嘅野生魚食用。一般燈魚或者短鯛等等都可以作為其中一樣主食，但對於較大型魚隻例如七彩神仙，埃及線等等就未必適合。同時由於營養豐富，亦都有助魚隻發色。除左可以係天河同神話買到新鮮bbs，唔怕麻煩亦可以買蛋自己敷；買麻煩就可以買新鮮嘅bbs再造成冰塊方便長期餵食。
注意：因為豐年蝦係用鹹水敷化同飼養，喂食時最好先用淡水沖洗避免鹽份進缸
水蚤
同豐年蝦幼體一樣，都係非常能夠引起魚隻食慾嘅生口糧。而且由於用淡水飼養，引起疾病嘅機率大大減少，但同時營養較低，比較適合當作零食使用。但唯一好處係魚友可以在家自己以綠水培育，生生不息，對做開繁殖嘅玩家係唔錯嘅選擇。
蟋蟀
由於不少魚喺大自然都係以昆蟲為食糧，蟋蟀成為人工環境中最受歡迎嘅活體食物。小編建議買蟀毛餵食，一方面因為未成熟，唔識叫；另一方面是體型較細，適合各種魚類進食。間唔中餵會增加魚隻野性，有助發色。
乾糧
以科學集合各種營養製成魚糧，減低因進食不潔食物引起疾病的機率。但未必完全適合每種魚類，需要根據魚種的食性購買不同的魚糧。
Tetra bits
以增加魚隻顏色聞名嘅乾糧，顆粒大小適中，乾糧中算搶口，適合各種魚種食用。但或者對某啲魚種黎講會太硬，建議可以整碎後先用。同時由於增色能力太強，如果餵得太密或會出現假色問題。所以建議同其他糧混合使用。
Tropical soft line(sinking sticks)
由大廠Tropical最新研發嘅彷紅蟲魚糧，並針對不同魚種設有不同大小及營養組合。餵飼燈魚或短鯛就建議用size s。成份方面佢用左昆蟲幼蟲同鯡魚提供豐富蛋白質，同時加入磷蝦，水蚤等提供類胡蘿蔔素幫助魚類發色，而口感方面呢隻糧口感柔軟，下沉快，令上中下層魚種都可以食到。同時由於與紅蟲相似，唔少魚種都可以迅速適應。係小編最喜愛嘅乾糧之一。
Hikari Vibra bites
同樣係彷紅蟲嘅魚糧，營養如維他命等更豐富。但係尺寸比較大，口感亦都較乾硬。雖然都受魚隻歡迎，但明顯不及Tropical soft line容易吞食，感覺略遜一籌。好處是下沉比較緩慢，減少殘餌問題
莫斯特mix
由於買咗幾種莫斯特嘅魚糧，為求營養均衡，就mix埋左一齊
莫斯特標榜天然，運用魚類作為主要成份，但唔知係咪因為咁，佢比其他魚糧相比無咁搶口。不過小編有一排只餵莫斯特糧，魚隻患病率的確比較低，未知有否直接關係。
Ada AP-1 Premium
Ap系列主要係用浮游生物為主要成份，而premium係AP系列中營養最高。佢顆粒細，雖然未至於非常搶口，但出奇地對於一啲比較挑食嘅魚種佢都可以令佢開口。佢屬於上浮性魚糧，所以我認為佢特別適合餵小型彩虹魚之類嘅上層小口徑魚。值得留意嘅係依隻糧添加左鈣質相關成份，可以幫魚隻補充鈣質。
鮮蝦食譜
近年迅速冒起嘅後起之秀，成功當然有佢嘅原因。佢標榜純天然，採用野生劍蝦為主要成份，所以一開蓋係會聞到陣陣類似蝦乾嘅味道。小編試用左一段時間，不但搶口，感覺亦都比較容易消化，係非常值得選購嘅產品。
訂閱：
文章 (Atom)